Como esta selmana ye la XXXIII Selmana de les Lletres Asturianes, dedicada a la poesía ilustrada (más concretamente a D. Benito de l’Auxa y Antón Balvidares Argüelles), ficimos en 4º E.S.O. un poema coles característiques estilístiques d’esta dómina pero con una temática modernizada.
Pa ello garremos como base’l poema “Preparativos” de Xosefa Xovellanos, l’autora más representativa de la Ilustración en lliteratura asturiana. Nelli, en tercetos, critícase’l mal gastu del dineru por parte de les clases altes en cuenta de facelo n’asuntos más importantes, como l’ayuda a los probes.
TOO PAL PUEBLU
Los futbolistes cobren demasiao
ensin facer nengún llabor pol mundu,
y quéxense por too como Coentrao.
Los políticos son estafadores,
roben ensin facer nengún ruíu
… pa detrás tienen munchos siguidores.
En vez de lo gastar too malamente
en tonteríes y caprichos tontos
habríen dá-ylo pa la probe xente.
Daniel Castro
Nathalia Dias
Félix Erice
Marcos Noriega